Opne kyrkjer er blitt eit populært tilbod mange stader, både i bygd og by og langs pilegrimsleiene.
Open kyrkje er ein annan måte å vere kyrkjelyd på, ein annan måte å vere kyrkjerom. Det handlar om opne dører, om refleksjon, om å tenne lys og vere stille.
Somme stader er det frivillige som tek på seg oppgåver knytt til open kyrkje, andre stader er det lønna medarbeidarar som sørgjer for at kyrkjerommet kan vere ope.
Opne kyrkjer krev planlegging, og har både ein tilretteleggingsdimensjon og ein formidlingsdimensjon ved seg, og kyrkjelyden treng finne den gode balansen mellom ambisjonsnivå og ressursar. Mange har gode erfaringar med å invitere og involvere ei breiare gruppe frivillige.
Ta kontakt med di kyrkjeverje og ditt kyrkjekontor, og samsnakk om korleis dette kan bli løyst i di lokale kyrkje!